24 September 2013

सर्वनाममा तामाङ नाटक

सर्वनाममा तामाङ नाटक  
ढ्याङ्रो को गुन्जयमन आवाज सगै  तमाङ सेलो मा तमाङ तन्नेरी कम्मर मर्काइ रहेका छन काठ्मन्डौ को कालिकस्थान् स्थित सर्वनाम थियटर मा तामाङ नाटक मेहेन्दोमाया मा!
गोले बोम्बो आफ्नि पत्नि म्हेन्दोमाया सङ्ग गोसाइकुन्ड यात्रा मा निस्किन्छन। बाटोमा भैरवकुण्ड पुग्दा दुइ झाक्री बिच बाजी पर्छ, मानिस लाइ अनेकौ दुख दिने नाग मार्न र बाजी जित्न गोले झाक्री आफ्नि श्रीमती लाइ डिलमा बसेर सघाउन भन्दै कुण्डमा पस्छ । सुरुमा जितेको गोले झाक्री नाग बोकेर कुन्दमा उभिन्छ, उसको काधमा नाग देखेरा म्हेन्दुमाया अक्षता नछरि भग्छिन र गोले झाक्री कम्जोर पर्छ र नागहरु युद्द जित्छन् र कुन्द रक्ताम्य हुन्छ । बिधवा म्हेन्दोमाया डराउदै गौ फर्किन्छिन, आफ्नो गाउको मुख्य कस्ट रहेको नाग मारेर गोले बोम्बो फर्कला र उत्सब मनाउला भनेका गाउले हरु निरास हुन्छन ।
मिथ मा आधारीत यो नाटक को अन्त्य भने यतिमै सिमित छैन। नाटक को मुलपत्र म्हेन्दोमाया अनेकौ म्हेन्दोमाया भएर बेश्यालय, कतार, दुबइ पुगेको उजागर गर्छे । कती म्हेन्दोमाया गाउ मै दु:ख पाएको बताउछे । समग्र मा म्हेन्दोमाया नेपाली नारी को प्रतिनिधित्व पात्र हो । नाटक म्हेन्दोमाया ले गाउमा बढ्दै गएको बिक्रीती र परिवर्तन लाई पनि उजागर गरेको छ । पैसा कमाउन बिदेस जाने चाहना, मोटरसाइकल चढेर रक्सिमा माती हिंड्ने अल्लारे युवा र लाली पाउडर सँगै  चप्पल जत्रो मोबाइल बोक्ने युबती सपना समेटेको छ नाटक म्हेन्दोमायाले .
तमाङ समाजअको सस्क्रिती र भाषा उजगर गरेको यो नाटक का लेखक फुलमान वल हुन सेलो थियटर को प्रस्तुती रहेको यो नाटक निर्देशन घिमिरे युबराज ले गरेका हुन।
करिब एक घण्टा को समयावधी रहेको यो नाटक को मुख्य सवल पक्ष भनेको तमाङ भाषा को नाटक भयता पनि गैर तमाङ भाषी दर्सकलाई पनि  नाटक अवधिभर  बाधेर राख्नु हो।  तमाङ सांस्कृतिक
पूजा तथा लोह्सार समेत समावेस गरेको यो नाटक मा मितब्ययी रङमन्च को प्रयोग का बबजुत पनि निर्देशक घिमिरे ले कलात्मक बनाउने भरपुर प्रयास गरेका   हो ।
नाटकमा सन्तोष तामाङ, सुनिता लामा दोङ, शान्ति वाइवा, सन्तोष गुरुङ, वीरबहादुर तामाङ, उदय लामा, शर्मिला योञ्जन, अञ्जना गुरुङ, रेणुका कार्की, अविशन लामा, निमा लामा, विजय वाइवा लगायतको अभिनय रहेकोछ। आश्विन ७ गते देखी मन्चन भएको यो नाटक आश्विन १२ गते सम्म हरेक साँझ ५:१५ मा सर्वनाम थियटर मा नियमित मन्चन हुनेछ।



04 June 2013

सर्बनाम मा बिम्ब र बिम्बहरु

काठमाडौं– सधै भावुक र उत्तेजक संवादले भरिएका नाटक प्रदर्शन हुने सर्वनाम थिएटरमा यतिबेला बिना संवादको नाटक प्रदर्शन भइरहेको छ । सर्वनाममा नाट्यकलाको प्रशिक्षण लिइरहेका प्रशिक्षार्थी कलाकाहरु आफैले बिना संवादको नाटक “विम्ब र विम्बहरु” को परिकल्पना तथा निर्देशन गरेका हुन् ।
११ जना प्रशिक्षार्थी कलाकारहरुले गुरुहरुको सहयोग  र आफ्नै प्रयत्नमा तयार पारेको नाटकमा मानवीय संवेदना र आवश्यकताका पक्षलाई मार्मिक ढंगले प्रस्तुत गरिएको छ
नाटक बिम्ब र बिम्ब हरु शिर्षक जस्ताइ अमुर्त नाटक हो ।
शान्तिको मार्गमा लागेर सारा संसार त्याग गरेको  मान्छे पनि लोभ लाचारीले हिंसातिर नै लाग्नाले मानव भन्ने नै रहँदैन की, अस्तित्व नै समाप्त हुने होकी भन्ने कुराको अर्थ नाटकले देखाउन खाजेको छ । लोभ लालचले मानवको अस्तित्व नै समाप्त हुन सक्ने भएकाले सतर्क रहन नाटकले सन्देश दिएको छ ।

सर्वनाम नाटकघरले तीनमहिना सम्म प्रशिक्षण दिएर कलाकारलाई मञ्चमा उतारेको हो । कलाकारहरुमा राज शाह, दिक्पाल कार्की, कबिता बहिङ, आदित्य शर्मा, साधना भण्डारी, सूवर्ण पौडेल, अभिषेक सापकोटा, रविन पौडेल, सञ्जु परियार लगायत छन । कलाकारहरुले स्वयम लेखन र निर्देशन गरेको नाटक जेठ २५ गतेसम्म हरेक दिन साझ सवा ५ बजे प्रदर्शन हुनेछ ।








19 December 2011

शान्तिपूर्ण बन्द गर्न आह्वान गरिए पनि राजधानीमा तोडफोड र आगजनी


nagariknews.com
काठमाडौँ, पुस ४- नेपाली कङ्ग्रेसले नेपाल तरुण दल, चितवनका अध्यक्ष शिव पौडेलको हत्याको विरोधमा आज आह्वान गरेको नेपाल बन्दका कारण राजधानीको जनजीवन अस्तव्यस्त भएको छ। पार्टीले कुनै पनि किसिमका तोडफोड हुन नदिन पार्टीका सबै निकाय, भ्रातृ एवम् शुभेच्छुक संस्थाका प्रतिनिधिलाई आग्रह गरे पनि बन्दको अवज्ञा गरेको भन्दै राजधानीका केही स्थानमा तोडफोड र आगजनी सुरु भएको छ।

बन्दका क्रममा चावहिल स्तुपा नजिक प्रदर्शनकारीहरूले बा१ज १६३ नम्बरको ट्याक्सी ताडफोड गर्दै आगजनी गरेपछि पूर्णरूपमा ट्याक्सी जलेको छ भने तिलगङ्गामा प्राइभेट नम्बरको बा९च ३७२० कारमा तोडफोड र आगजनी भएको प्रहरीले जनाएको छ।

प्रदर्शनकारीहरूले चावहिलमै एउटा पानीको ट्याङ्कर तोडफोड गरेका छन् भने सो घटनामा संलग्न तीनजनालाई प्रहरीले नियन्त्रणमा लिएको छ। बन्दकर्ताहरूले बाल्मीकि क्याम्पसमा भइरहेको परीक्षासमेत विथोलेका छन्।

सरकारसँग हिजो दिनभर भएको वार्तामा पौडेलको मृत्युका लागि छानबिन आयोग गठन, दोषीमाथि कडा कारबाही, मृतकलाई सहिद घोषणा र क्षतिपूर्ति, झुटामुद्दा फिर्तालगायतका मागमा सहमति हुन नसकेपछि आज 'शान्तिपूर्ण' नेपाल बन्दको आह्वान गरिएको हो।

आन्दोलन संयोजन समितिका संयोजक दीपक गिरीले सरकारले आफ्ना कार्यकर्ता पौडेललाई झुटो मुद्दामा फसाई जेलभित्रै हत्या गर्न लगाएको र आफ्ना माग पूरा गर्नेतर्फ कुनै चासो नदिएकाले त्यसको विरोधमा शान्तिपूर्णरूपमा नेपाल बन्द आह्वान गरिएको बताए।

बन्दका क्रममा प्रेस, कूटनीतिक नियोग, रेडक्रस, शववाहन, स्वास्थ्यसेवाका साधन, फोहोर बोक्ने साधन, दूध बोक्ने साधन, पर्यटकीय वाहन, मानव अधिकारकर्मीका सवारी साधन र एम्बुलेन्सलगायत अत्यावश्यक सेवाका सवारीसाधनलाई कुनै पनि बाधा अवरोध नगरिने जनाएको छ।


बन्दकर्ताहरूले बिहानैदेखि कोटेश्वर, चावहिल, पुतलीसडक, कलङ्की, महाराजगन्ज, सातदोबाटो, नयाँबानेश्वर, कुपण्डोल, जमल, रत्नपार्कलगायतका क्षेत्रमा नाराजुलुस गरिरहेका छन्। रासस

18 December 2011

भोलिको बन्द यथावत् : कङ्ग्रेस


nagariknews.comबाट
गोविन्द परियार, काठमाडौं, पुस ३ - कङ्ग्रेसले कारागार आक्रमणमा परी मृत्यु भएका तरुण दल चितवन अध्यक्ष शिव पौडेलको मुद्दा फिर्ता गरी शहीद घोषणा नगरेको भन्दै भोलिको बन्द यथावत् हुने बताएको छ। सभापति सुशील कोइराला निवासमा पत्रकार सम्मेलन गरी माग पूरा नभएकाले बन्दका कार्यक्रम सशक्तरुपमा अघि बढाउने घोषणा गरेको हो।
'सरकारले नियोजित रुपमा कारागारभित्र आक्रमणमा सहयोग गरी शिव पौडेलको हत्या गरेको हो,' पत्रकार सम्मेलनमा आन्दोलन तयारी समितिमा संयोजक दिपक गिरीले भने, 'सरकार नै हत्यामा सहयोगी बनेकाले हामीले उनीमाथि लगाएका झुटा मुद्दा फिर्ता र उनलाई शहीद घोषणाको माग गरेका हौं।'

पत्रकार सम्मेलनमा सोमबार बिहान ६ बजेदेखि अपरान्ह ५:३० बजेसम्म शान्तिपूर्णरुपमा नेपाल बन्द कार्यक्रम सम्पन्न हुने घोषणा गरिएको थियो।
यसैबीच कांग्रेस केन्द्रीय समिति बैठक अहिले साँझ ५ वजे कोइराला निवासमा बस्दैछ।

लाश उठेन
सरकारले माग पूरा नगरेको भन्दै पौडेलका परिवारले लाश उठाएका छैनन्। शनिबार पौडेलको त्रिवि शिक्षण अस्पतालमा पोष्टमार्टम सम्पन्न गरे पनि अहिलेसम्म परिवारले लाश बुझेको छैन। 'सरकारले नियोजित रुपमा हत्या गरेकाले पार्टीले अघि सारको माग पूरा नभएसम्म हामी लाश बुझ्दैनौ,' पौडेलका दाजु ताराले नागरिकसँग भने।

यसैबीच कङ्ग्रेसले बन्दबारे अपील जारी गरेको छ। बन्दबारे कङ्ग्रेसद्वारा जारी अपील

अपील

नेपाल तरुण दल चितवनका अध्यक्ष शिवप्रसाद पौडेल लगायतका तरुण साथीहरुमाथि बन्दी अवस्थामा योजनावद्ध तवरले सरकारकै संलग्नतामा भएको आक्रमणबाट उपचारका क्रममा शिवप्रसाद पौडेलको मृत्यु भएको घटनाले सिङ्गो पार्टी र मुलुकलाई नै स्तब्ध बनाएको छ। नेपाल महिला संघद्वारा आयोजित तीजको कार्यक्रममा सहभागी रहेका निर्दोष पौडेललाई सोही समयमा अन्यत्र घटित भएको घटनामा मुछि नियोजित रुपमा झुटा मुद्दामा फसाउने र प्रशासनले नै जेलका कोठा खोली हत्या गर्न लगाएको यस घटनाको नेपाली कांग्रेस घोर भर्त्सना गर्दछ।
नेपाल तरुण दल, चितवनका अध्यक्ष शिवप्रसाद पौडेलको मृत्युले थुप्रै प्रश्नहरु सिर्जना गरेको छ। यो घटना एक्लो शिवप्रसाद पौडेलको मात्र होइन, आम नागरिक र जेल भित्र रहेका सिङ्गो कैदीहरुको सुरक्षासँग पनि गाँसिएको छ।
नेपाली कांग्रेस केन्द्रीय कार्यसमितिको हिजो बसेको आकस्मिक बैठकले- उक्त घटनाको छानविनको लागि न्यायिक आयोग गठन, दोषीहरुमाथि कडा भन्दा कडा कार्वाही, शिवप्रसाद पौडेललाई शहीद घोषणा र क्षतिपूर्ति, शिवप्रसाद पौडेल र प्रमिश राई लगायतका निर्दोष व्यक्तिहरुमाथिको झुा अभियोग तत्काल फिर्ता लिइयोस् भनी २०६८ पौष ४ गते देशव्यापी रुपमा शान्तिपूर्ण बन्दको आह्वान गरेको छ। यस बन्दलाई सफल बनाउन लोकतन्त्रवादी सम्पूर्ण जनसमुदायमा उद्योग, कलकारखाना, यातायात, शैक्षिक संस्था, बजार पूर्ण रुपमा बन्द गरी हाम्रो कार्यक्रमलाई समर्थन र ऐक्यवद्धता जनाइदिन नेपाली कांग्रेस सबैमा अपिल गर्दछ। यो पूर्णतः शान्तिपूर्ण बन्दको कार्यक्रम भएकोले उक्त दिन रेडक्रस, एम्वुलेन्स, शव वाहन, स्वास्थ्य सेवाका साधान, फोहर बोक्ने साधान, दुग्ध बोक्ने साधन, पर्यटकीय वाहन, कुटनीतिक नियोगका साधान, प्रेस, मानव अधिकारकर्मीका सवारी साधनलाई कुनै पनि वाधा अवरोध नपुर्‍याउन र कुनै पनि किसिमका तोडफोड नहुन दिन पार्टीका सबै निकाय, भातृ एवं शुभेच्छुक संस्थाका साथीहरुलाई नेपाली कांग्रेस हार्दिक आग्रह गर्दछ।

जय नेपाल !
वसन्तकुमार गौतम
मुख्य सचिव

11 October 2010

शुभ होस मंगल रहोस बिजया दशमी...

















बिजया दशमी को सुखद उपलक्क्षमा देश तथा बिदेश मा रहनु भयका सम्पूर्ण नेपाली दाजुभाई तथा दिदी बहिनी हरु मा चिरायु र दिर्घायुको साथै उतर उतर पर्गती को कामना गर्दछु

शुभ होस मंगल रहोस बिजया दशमी...

23 July 2010

को होला प्रधानमत्री आज

























प्रधानमन्त्री को निर्वाचन आज हुँदैछ.